Instalacións

    O CGB  ten a súa sede nun inmoble señorial -propiedade dos socios da entidade-, que pertenceu no seu día á familia Güell. O local conta cunha área de 1.000 m2, distribuídos en varias salas de diferentes tamaños, que se utilizan para a celebración de actos culturais, actividades de formación, festas e espectáculos.

     

    Sala Francisco Ferrío

    É a sala máis grande do centro, cun aforamento aproximado de 200 persoas. Está dotada de escenario, equipo de son, proxector e pantalla xigante, polo que é apta para a celebración de espectáculos teatrais, concertos e presentacións.

    Plano da sala Francisco Ferrío

     

     

    Sala Julio Prieto

    É a sala principal que dá acceso ás diferentes estancias do CGB. Os murais do teito, pintados en 1866 por Carlos Brambilla, conférenlle maxestosidade ao espazo, convertido no lugar por excelencia das exposicións de arte.

    Condicións para expoñer no CGB (pdf)

     

     

    Ademais dos espazos descritos, o CGB tamén dispón dunha biblioteca especializada en temas galegos, un salón recreativo equipado para acoller xogos de mesa e unha sala de xuntas.

     

     


    Facebook! Twitter! Del.icio.us! Chuza
     

    Reserva de espazos

    As instalacións do CGB poden ser usadas tanto polos socios, como por outros usuarios e visitantes, mediante cesión ou aluguer.

    Se desexa reservar un espazo para a organización dalgún acto, deberá poñerse en contacto coa dirección do CGB, que lle informará dos prezos e condicións, e avaliará tecnica e economicamente cada solicitude.