Conversem[os]

Conversem[os] é un programa de intercambio lingüístico desenvolvido polo Centro Galego de Barcelona en colaboración coa plataforma Defensem la llengua gallega.

O obxectivo desta actividade é axudar na aprendizaxe do galego e do catalán, propiciando a súa práctica oral nun contexto real e diferente ao das clases tradicionais de lingua.

As organizadoras poñen en contacto aos/as interesados/as para que inicien as súas conversas e cada parella deberá realizar as sesións en lugares acordados por eles. Recoméndase realizar un mínimo de 10 sesións nas que a metade se realizarán en galego e a outra metade en catalán. Para participar no intercambio lingüístico é necesario ter un dominio alto nunha das dúas linguas (galego ou catalán).

Os interesados e as interesadas en participar nesta edición (curso 2011-2012) deberán cubrir un formulario en liña. A selección de parellas lingüísticas farase entre os meses de novembro e decembro. Avisarase aos interesados por correo electrónico. As conversas están pensadas para se realizaren entre xaneiro e maio.

Cubre o formulario en liña ou escríbenos a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo